網紅的藏寶箱【教會青少年流失——一種以 viutv 作為 mirror reading 的error】
幾乎已經可以肯定，一定會有人拿 viutv, error, mirror 的爆紅來反思教會，再反思「教會青少年流失」的問題。也幾乎可以肯定，這些討論的套路，必然係「viutv 的成功，係因為放手信任年青人，所以教會應該信任年青人，交棒俾佢地，empower佢地，聽佢地聲音」。呢d論調，大大話話聽左十幾廿年。在下嘗試提出一種 alternative。
不如教會安心做返 TVB 啦。
教會的架構、傳統、因循、老態，和 TVB 一樣，點解要迫自己做 viu 嗟？唔同你真係想見到曾生同王祖藍疊高扮193？點解一定要做人地成功既野？係咪因為教會好耐無成功過？係咪因為教會好似 TVB 咁，做乜都會俾人屌，所以，你唔想繼續做 TVB？
但係你真係TVB黎架嘛。
error 敢播出街既野，tvb 敢唔敢播？教會，你敢唔敢俾人叫「cls教會」先？唔好勉強自己啦，做返 TVB，一樣有出路。TVB 既慣性收視都係強架，睇TVB 既人係有消費能力架喎。教會都係架，你話年青人流失咋嘛，你地仲有好多老野架，佢地就係唔想你古靈精怪，就係想你俾返佢地睇慣既野佢地睇。教會之前就係就哂d 老野迫走左d後生，唔通依家想就d後生迫走埋d 老野？無老野，你仲有咩？
教會一定要有後生仔既咩？
教會一定要有後生仔既咩？教會點解唔甘心變老？教會點解唔接受生命週期？教會點解一定要永遠存在？教會點解唔可以跟住d會友死？教會點解一定要有活力？其實教會可以死架。只有神唔會死，世上所以野，都會死架。
覺得自己做到，咪做囉。
如果教會要吸引年青人，真係透過 empower 佢地，放權俾佢地，俾佢地擔大旗，咁你咪做囉。點解唔做？what is holding you back？「哎吖，咁教會有規矩，呢d野要慢慢來架嘛。」哦，咁你咪慢慢來囉。其實，我諗都無乜年青人想接你支棒架啦，想接果d，都係等得既。加油，一定得。
我咁講，唔係覺得自己後生。相反，我就係有「做 TVB」既覺悟。我就係知道，我地係教會，教會就係咁。所以我都同自己講，其實我無需要諗「青少年流失」既問題，我只要安樂地做我做到既事，牧養到我可以牧養既人，這就是我的份。年青人的世界，自有他們的玩法，佢地受我地d 老野玩，係俾面。我完全 ok with aging gracefully。
*推90歲胡楓開concert係虐老。
Search